Најголемиот досега прекин на Facebook се случи оваа недела. Корисниците на сите сервиси од компанијата, односно Facebook, Messenger, Instagram, Workplace и WhatsApp имаа проблем со функционирањето, а кај некои и целосно со пристап до мрежите.
Од Facebook иако го потврдија прекинот, односно проблемите со нивните сервиси, не излегоа со информација што е тоа што го има предизвикано истиот. Се разбира, веднаш се појавија различни шпекулации, кои одеа до таму дека се работи за надворешен напад на мрежата.
Сепак, причината за прекинот е многу помала, а се работи за промена на конфигурација на серверите што има доведено до верижен проблем.
Информацијата од компанијата ја пренесуваат преку Twitter, а истата гласи:
Yesterday, as a result of a server configuration change, many people had trouble accessing our apps and services. We’ve now resolved the issues and our systems are recovering. We’re very sorry for the inconvenience and appreciate everyone’s patience.
— Facebook (@facebook) March 14, 2019
Повеќето проблеми веќе треба да се средени, односно не би требало веќе да имате било каков проблем со било кој од сервисите од компанијата.