Нешто слично како што направија производители на мобилни телефони, Tesla ќе почне да не вклучува кабел за полнење при купувањето на нивните автомобили. Купувачите ќе мора кабелот да го купат посебно, а основниот ќе се продава и по нешто пониска цена од претходно достапната.
Трендот кој го почнаа производителите на телефони изминатите години изгледа ќе се прошири и во други области, па се надеваме дека нема да почнат да продаваат телевизори и други производи без кабли и полначи.
Оваа промена која ја направи Tesla би требало да донесе повеќе купувачи на ѕидниот полнач од компанијата кој корисниците можат да го наместат во своите куќи и да го полнат својот автомобил.
Информацијата ја потврди и Елон Маск и истакна дека корисниците кои веќе имаат ѕиден полнач, како и тие кои ги користат достапни брзи полначи, немаат потреба од дополнителниот кабел кој досега доаѓаше со автомобилите.
