Еден од најпознатите видео „плеери“, VLC, оваа година ќе ја добие својата четврта верзија, а истата ќе донесе поголема надградба на апликацијата, односно повеќе новини.
Ова е навистина потребно за оваа популарна апликација во време кога повеќето корисници своите потреби од видео содржина ги исполнуваат преку стриминг сервисите кои се’ повеќе стануваат достапни и во овој дел од светот.
VLC 4.0, кој треба да стане достапен во месеците што следат, пред се ќе добие нов изглед. Може слободно да се каже дека и претходната верзија не донесе многу од аспект на модернизирање на изгледот, па оваа промена сега која се најавува е потребна.
Корисничкиот интерфејс во главно ќе биде составен од проѕирни делови, а ќе бидат сменети и иконите кои се користат во апликацијата.
Можеби уште поважно, VLC 4.0 ќе биде направен да повеќе функционира со онлајн содржина, иако сега тоа не е баш јасно што точно ќе значи. Има најави дека нешто слично како Plex, VLC 4.0 ќе донесе бесплатна содржина, а можеби и канали во живо, кои корисниците ќе можат да ги гледаат преку апликацијата бесплатно.
Уште една работа која се најавува е можноста за претставување на конкурент на IMDB, можеби наречен Moviepedia, каде корисниците ќе можат да ги добиваат сите информации за филмовите и серии, а ќе има можност и тие самите да придонесуваат.
