Покрај повеќе новости, една од главните кај Windows 11 е корисничкиот интерфејс кој сега може да се каже дека конечно изгледа одлично, но и најважно, унифицирано низ сите елементи од системот.

Оваа недела, заедно со првата тест верзија од Windows 11, Microsoft пушти и нова верзија од Office апликациите која донесува освежување на корисничкиот интерфејс во стилот на Windows 11, односно според Fluent дизајн правилата.

Корисниците кои сакаат да го пробаат новиот изглед на Office апликациите тоа можат да го направат без разлика дали го користат новиот Windows 11 или како што се поголеми шансите, уште се на Windows 10. Се што треба е да се приклучат на Office Insider програмата, по што ќе им биде пуштена бета верзијата од апликациите.

Покрај освежениот изглед, Office апликациите сега ја следат темата на оперативниот систем, па доколку се избере темната тема, вклучувањето на некоја од апликациите автоматски ќе биде префрлена на темната тема од Office.

Покрај новиот изглед, Microsoft најави дека конечно Office апликациите добиваат поддршка за 64-битните ARM чипови. Ова ќе направи голема разлика за корисниците на компјутерите кои се со ваков процесор, а досега беа ограничени во изборот на апликации. Ваквата ситуација треба да се смени со Windows 11.

Новиот изглед го добиваат сите апликации од Office пакетот, односно Word, Excel, PowerPoint, Outlook, OneNote, Access, Project, Publisher и Visio.

ИЗВОРMicrosoft
Претходна статијаАпликацијата Angry Birds 2 сега е достапна во AppGallery
Следна статијаNothing ќе го претстави својот прв производ, безжични слушалки, на 27ми јули
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.

Оставете коментар

This site uses Akismet to reduce spam. Learn how your comment data is processed.