При крајот на минатиот месец Microsoft објави дека веќе нема да го ограничува пристапот до Bing Chat функцијата само преку Edge. Пристапот беше најавен за повеќе други прелистувачи, меѓу кои Google Chrome и Safari.
Пристапот прво беше пуштен за Safari на macOS, но не секогаш функционира, најверојатно функцијата уште е во тест фаза.
Од компанијата сега најавија дека Bing Chat официјално може да се користи преку Google Chrome, а може да се очекува поддршка и за други прелистувачи.
До Bing Chat може да се пристапи на неколку начини, односно директно со одење на chat.bing.com адресата или со притискање на Chat линкот на главната страна од Bing.
Дополнителен начин е да се притисне на картичката која некогаш се појавува на десната страна од резултатите од пребарување, со што се добива можноста да од обично пребарување, се продолжи со разговор со вештачката интелигенција.
Во првиот месец од пуштањето на новиот Bing, Microsoft се пофали со зголемување на бројката на корисници на нивниот прелистувач, но јасно беше дека тој тренд нема да продолжи со исто темпо, а сигурно не доволно за да ја загрози позицијата на Google.
