Apple ги објави апликациите, скоро 40, кои се финалисти за годинешните App Store награди за најдобри апликации. Истите се поделени според уредот и сега се по три, од кои до крајот на месецот ќе биде избрана по една апликација како победник.
„Возбудени сме поради достигнувањата на овие финалисти на App Store Award кои им помагаат на корисниците ширум светот да ги истражат нивните интереси за цртање, дизајн, уредување видео, образование, музика, управување со времето, вежбање, планинарење, играње игри и многу повеќе.“, рече Фил Шилер, соработник на Apple. „Сите овие финалисти се неверојатно талентирани и вложија огромен напор во создавањето на овие одлични апликации и игри. Ние сме инспирирани од нивните достигнувања и со нетрпение очекуваме да ги објавиме победниците на App Store наградите подоцна овој месец.“
Апликациите финалисти според уредот се следните:
iPhone – AllTrails, Duolingo и Flighty.
iPhone игри – Afterplace, Honkai: Star Rail и Vampire Survivors.
iPad – Concepts, DaVinci Resolve и Pret-a-Makeup.
iPad игри – Eggy Party, Lost in Play и Pocket City 2.
Mac – Linearity Curve, Photomator и Portal.
Mac игри – ELEX II, Lies of P и Return to Monkey Island.
Apple Watch – Planny, SmartGym и Tide Guide.
Apple TV – Bugsnax, FitOn и MUBI.
Целата објава на Apple за App Store Awards можете да ја погледнете тука.