На еден ден пред Unpacked настанот од Samsung, од компанијата го претставија нивниот најнов чип кој е наменет за уредите за носење, односно паметните часовници и сличните други вакви уреди.
Exynos W920 е направен со 5nm технологија од Samsung, односно со EUV процес, а од компанијата истакнуваат дека овој мал чип, кој сега зафаќа доста помал простор, донесува подобрување во перформансите и намалување на потрошувачката.
Дел од овој чип се две ARM Cortex-A55 јадра кои се наменети за посилните задачи на часовниците, но сепак овозможуваат заштеда на батеријата. Овие јадра, четири на број, се дел од моментално најдобрите мобилни процесори и се наменети заштеда на енергијата.
Покрај овие две јадра, Exynos W920 доаѓа и со едно Cortex-M55 јадро кое треба да овозможи доста поголема заштеда на енергија и е замислено да се користи за секогаш вклучените екрани кај паметните часовници и слични ситуации.
ARM Mali-G68 е графичкиот процесор кој ќе е дел од Exynos W920 и од Samsung најавуваат дури 10 пати подобри перформанси за разлика од претходната генерација од чипот на компанијата. Подобрувањето на перформансите кај процесорот се истакнува дека ќе изнесува 20%.
Exynos W920 доаѓа со поддршка на новата платформа за паметни часовници која ја развија Samsung и Google, односно наредната генерација од Wear OS на кој сега ќе работат часовниците од Samsung, наместо со нивниот Tizen OS.
Samsung Unpacked настанот ќе се одржи утре со почеток во 16:00 часот по македонско време и овој настан секако ќе може да се следи во живо.