После стандардните неколку месеци на тестирање со програмерите и од пред некоја година со обичните корисници преку бета програмата, Apple оваа недела ги пушти финалните верзии, спремни за сите корисници од iOS и iPadOS.
Најновите верзии секако ја носат бројката 15, па иако Apple го издвои iPadOS како посебен систем, тој сепак уште е направен на основа на iOS и ги донесува повеќето од новините.
Инсталацијата на iOS 15 и iPadOS 15 е едноставна како и досега, односно се што треба е да се провери за нова верзија преку Settings апликацијата, односно General > Software Update. Процесот ќе потрае одреден период, додека се симне новата верзија, истата да се провери, по што дел се инсталира во позадина, а за остатокот ќе мора да се рестартира уредот.
Што е ново кај iOS 15, односно кај iPadOS 15 можете да погледнете во нашите претходни статии на соодветните линкови.
iOS 15 ќе можат да го инсталираат корисниците на iPhone 6S и понови, иако не сите уреди ќе ги имаат сите функции, односно тие поврзани со процесорот, додека iPadOS 15 ќе можат да го инсталираат iPad Air 2 и понови, iPad петта генерација и понови, iPad mini 4 и понови и сите iPad Pro модели.