Google

Android Go е посебно прилагодена верзија од Android која е наменета да работи на уредите кои имаат послаби карактеристики, односно да кажам најслаби. Овој систем е прилагоден да може да функционира на телефони кои имаат до 1,5GB RAM меморија или помалку.

Покрај оперативниот систем, Google пушти и доста Go верзии од своите апликации, како на пример Google Go, Gallery Go, YouTube Go, Gmail Go и слични.

Од Google истакнуваат дека во изминатите година и половина, повеќе од 500 производители имаат претставено повеќе од 1.600 уреди кои работат на Android Go во повеќе од 180 земји. Ова покажува дека оваа верзија од оперативниот систем е популарна и се користи од страна на производителите.

Google

Со претставувањето на Android 10, Google ја претстави и наредната верзија од Android Go, односно ја претстави Android 10 (Go Edition).

Од Google истакнуваат дека оваа нова верзија донесува побрза работи на системот, а исто така тој е и побезбеден. Тоа се постигнува преку побрзо менување помеѓу апликациите, а тие исто така се стартуваат до 10% побрзо од претходната верзија на Android Go.

Уште еден важен додаток е вклучувањето на посебно развиениот систем за енкрипција, Adiantum, кој е развиен да може да функционира на послабите уреди на кои работи Android Go. Овој систем овозможува енкрипција на податоците, без притоа да се влијае многу на перформансите на системот.

Оставете коментар

This site uses Akismet to reduce spam. Learn how your comment data is processed.