Tesla го претстави Optimus – Gen 2, втора генерација од нивниот хуманоиден робот кој станува се поспособен во задачите кои е замислен да ги извршува.
Од компанијата првпат го претставија резултатот од нивната работа минатата година со Bumble C роботот, а оваа година и првата генерација од Optimus.
Замислата за овие роботи е да го заменат човекот во одредени индустрии во иднина која е јасно дека на човекот се повеќе ќе му овозможува да работи во повеќе платени и повеќе интелектуални работни позиции, додека „физичката“ работа се повеќе ќе биде префрлувана на ваквите роботи.
Optimus – Gen 2 доаѓа со делови кои се дизајнирани од страна на Tesla, а тука се и подобрувања како 30% поголема брзина на движење, „чувство“ на силата со која стапнува, намалување на вкупната тежина за 10 кг, подобрено одржување на рамнотежата, побрзи раце, „чувство“ на сите прсти и можност за работа со нежни објекти и повеќе.
Елон Маск го најави претставувањето на Optimus – Gen 2 објавувајќи видео преку неговата мрежа X.
