Јапонската компанија Canon успеа да развие материјал кој би се користел во Quantum Dot технологијата за екраните која веќе се користи од страна на производителите, а изминатите години и во OLED панелите.
Предноста на QD е што овозможува поголема светлина и појасни и посилни бои, во споредба со OLED, па затоа и комбинацијата на овие две технологии моментално ги дава едни од најдобрите панели кои некогаш се користеле кај телевизорите и мониторите.
Успехот на Canon е во користењето на оловото како материјал на местото на индиумот, кој се користи моментално. Со помош на нивната експертиза во развојот на печатари и тонери, од компанијата имаат постигнато да QD панелите направени со помош на олово имаат иста долгорочност како сегашните. Ова е една од мааните поради која досега не се користеше овој материјал.
Уште една предност се истакнува во развојот на материјалите од страна на Canon, а тоа е намалувањето на зависноста од Кина, која е еден од најголемите извозниците на ретките материјали кои се користат сега.
Намалувањето на зависноста од Кина е нешто што е голем приоритет на западните земји, како и тие кои се во добри односи со нив.
Новите материјали се најавува дека е во план да почнат да се користат во наредните неколку години, а некаква корист треба да видат и корисниците наводно со пониски цени.