Веќе сме на нешто повеќе од 2 недели до Unpacked настанот кој и оваа година ќе се одржи во Сан Франциско, а на кој ќе бидат претставени Galaxy S20 уредите. Ова е името кое се верува дека ќе се користи за новата S серија, односно Samsung нема да ги нарече S11, како што доаѓа на ред.

На овој настан, покрај Galaxy S20, кои ќе дојдат во три различни модели, се очекува претставување и на Galaxy Z Flip, вториот уред од Samsung со екран кој се превиткува, овој пат на хоризонталната линија.

Од трите модели кои ќе ги има S20 серијата, најскапа и со најмногу новини ќе биде Galaxy S20 Ultra 5G. 91mobiles повторно излегуваат со ексклузивни информации, а овој пат и најава за цената на овој уред.

Тие објавуваат најнови „рендери“ од Galaxy S20 Ultre 5G од кои се гледа изгледот на уредот, но и една нова работа која досега не беше позната. Според информациите, овој телефон ќе дојде со 4 камери на задната страна, од кои едната ќе биде со 10x оптичко зумирање, како и 100x дигитално зумирање.

Оваа камера на сликата се гледа дека е означена како Space Zoom, а со оглед на можноста за зумирање, ова име секако е добро избрано. Ќе треба само да видиме, доколку овие информации навистина се покажат како точни, како сето тоа ќе биде изведено практично и од софтверска страна со цел добивање на доволно квалитетни слики.

За останатите 3 камери, односно сензори, се најавува дека ќе дојдат со 108 мегапиксели кај главната камера, 48 мегапиксели кај телефото камерата и 12 мегапиксели кај камерата за ултра широки слики. На задната страна ќе биде достапен и веќе стандардниот сензор за точно одредување на оддалеченоста на објектите кои се сликаат, со што се овозможуваат дополнителни ефекти.

Тоа што исто така дополнително се истакнува кај овој телефон е и огромната батерија со капацитет оф 5.000 mAh, но оваа информација веќе одреден период се смета за точна. Екранот ќе биде со големина од 6,9 инчи и ќе има една мала дупка за предната камера со 40 мегапиксели на средината од екранот.

Цената која се најавува за Galaxy S20 Ultra 5G е 1.350 евра за како што се истакнува основниот модел, додека моделот со 512 GB простор за податоци ќе цена од 1.550 евра.

Оставете коментар

This site uses Akismet to reduce spam. Learn how your comment data is processed.