На настан кој што се одржа во New York во Мај, Microsoft го претстави Surface Pro 3 кој што дојде со поголем екран од неговите претходници, односно 12 инчи. Она што исто така се очекуваше, можеби и повеќе од Pro 3 моделот, беше претставувањето на долго очекуваниот Surface Mini модел. Овој модел, како и другите таблет компјутери од mini категоријата, требаше да дојде со 7 инчен екран и да конкурира со успешните Nexus 7 и iPad mini.
Меѓутоа настанот се одржа, а Mini моделот не само што не беше претставен, тој не беше ни спомнат и не беше дадена никаква дополнителна официјална информација. По настанот почнаа повторно да излегуваат шпекулации за неговото можно покасно претставување, а излезе и информацијата дека од компанијата ги имаат откажано плановите за претставување на помалиот модел. Причината за ваквата одлука, според овие информации е поради недоволната разлика на моделот од конкурентите, поради што се доведува во прашање успехот на уредот кој што работи на не толку популарниот Windows 8. Исто така се претпоставува дека популарноста на помалите уреди постапено ќе почне да се намалува, на сметка на phablet уредите.
Оваа недела Microsoft го објави својот финансиски извештај, од кој што може да се види дека информациите за откажувањето на mini моделот сепак се точни. Во извештајот сепак не се споменува директно моделот, меѓутоа се истакнува дека се направени промени во него поради претставувањето на нова генерација на Surface уреди, како и одлуката да не претстават модел со нова форма, односно големина.
Извор: BetaNews
