За наредната верзија од One UI, која ќе биде направена на основа на Android 15, се најавува дека ќе биде најголемата надградба досега. Истата треба да донесе повеќе и очигледни промени кај корисничкиот интерфејс, а тука се и новините кои се дел од Android 15.
Првата бета верзија за програмерите се очекуваше до крајот на минатиот месец, но истата не стана достапна. Според информациите, причината за тоа е работата на One UI 6.1.1, па овој месец може да се очекува повеќе работа на One UI 7.
Без разлика на информациите, јасно е дека Samsung овој месец ќе мора да прикаже нешто со оглед на поминатото време и неофицијалните рокови.
Бета верзијата од One UI 7 се очекува за до крајот на овој месец, поточно во третата недела од месецот. Тоа значи дека доста скоро може да ја очекуваме, па конечно да видиме какви се новини донесува.
