Apple вчера ја претстави финалната верзија од OS X Yosemite која што досега беше во тест фаза и достапна за програмерите. Корисниците можат да го надградат својот систем бесплатно преку Mac App Store.
Според информациите собрани од страна на AddThis, Yosemite веќе е инсталиран од страна на 2% од корисниците, што е повеќе од процентот кој што го имаше Mavericks минатата година. Претходната верзија од оперативниот систем првиот ден од нејзиното пуштање беше инсталирана на 1,2% од корисниците. Оваа информација воопшто не изненадува, а се очекува трендот да продолжи, односно поголемиот број од корисниците да ја инсталираат најновата верзија. Очекувањата се високи поради поголемиот број на промени кои што ги носи Yosemite, како што е новиот дизајн, поврзаноста со iPhone и слично.
Apple е меѓу ретките компании кои што можат да се пофалат со брза и голема прифатеност на нивните најнови верзии од оперативните системи, нешто што можеби е најслаба точка на Android.
Како корисник на некој од Mac компјутерите, сигурно се прашувате дали вашиот компјутер е компатибилен со OS X 10.10 Yosemite, односно дали ќе можете да го инсталирате. Во основа листата на компатибилност е истата како со претходната верзија, односно доколку користите некој од следните компјутери или понов, новата верзија ќе можете да ја инсталирате:
- MacBook – Доцна 2008 Aluminum или рана 2009
- MacBook Air – Доцна 2008
- MacBook Pro – Средина/доцна 2007
- Mac mini – Рана 2009
- iMac – Средина 2007
- Mac Pro – Рана 2008
- Xserve – Рана 2009
