Како и сите досегашни информации, така и оваа не е официјално потврдена или објавена од страна на Microsoft. Доаѓа од избори на порталот Windows Phone Central, според кои истата е проверена и освен можни промени до финалната верзија, продавницата ќе ги вклучува наведените промени.
Продавницата за апликации, односно Store, вклучува промени во нејзиниот дизајн, но и воведување на неколку нови функции барани од страна на корисниците. Па така, новата верзија ќе ги има следните промени:
- зборот Store по отворањето на апликацијата сега е напишан со голема прва буква
- избраните (featured) апликации сега се прикажани на првата страна и вклучуваат повеќе апликации наместо една како до сега
- Брзи линкови (Quick Links) дел со избрани апликации, игри, топ апликации, нови + растечки и слично
- Дел за категории со игри, забава, животен стил и повеќе
- Персонализирано предложување на апликации базирано на апликациите кои што ги имате инсталирано, лајкови и интереси со можност за тргање на одредени предлози преку притискање на копче „не сум заинтересиран“
- Мои апликации, дел во кои што ќе можете да ги проверите вашите апликации и достапните надградби
- Downloads дел за гледање на апликациите кои што се симнуваат во моментот
- Можност за автоматска надградба на апликациите преку Wi-Fi
- Користење на локацијата за подобри предлози на апликации, односно локализација на предлозите
Промени ќе има и во дизајнот и распоредот на интерфејсот при гледање на конкретна апликација. Поставеноста на деловите ќе биде различна, односно истата ќе ги содржи, преглед на апликацијата, коментари и оценки, детали и поврзани апликации. Менито исто така ќе содржи нови копчиња, односно копчиња за враќање на home делот, споделување, мои апликации, сетирања, симнувања. Сликите од апликацијата која што ја разгледувате сега се дел од страната каде што истата е опишана, наместо на посебна страна како до сега. Исто така на делот каде што се коментарите и оценките додаден е графикон за визуелно и полесно да може да се види просечната оценка на апликацијата, а додадена е и можноста за сортирање на коментарите според критериуми како, најкорисни, најнови, најдобро оценети и слично. Во делот за детали ќе бидат прикажани јазикот на кој што е апликацијата, нејзината верзија, кога последен пат е надградена и слично.
Извор: Windows Phone Central
