Microsoft издаде официјална надградба за Windows 8.1 која што треба да го реши проблемот што почна да се јавува при играње на одредени игри после инсталирањето на официјалната верзија на оперативниот систем. Проблемот беше пријавен од поголем број на корисници и истиот се состои во каснење на маусот при играњето на игри.
Надградбата го решава проблемот со маусот за следните игри:
Call of Duty: Black Ops
Call of Duty: Black Ops – Multiplayer
Call of Duty: Black Ops II
Call of Duty: Black Ops II – Multiplayer
Call of Duty: Black Ops II – Zombies
Call of Duty: Ghosts – Multiplayer
Call of Duty: MW2
Call of Duty: MW2 – Multiplayer
Call of Duty: MW3
Call of Duty: MW3 – Multiplayer
Call of Duty: MW
Call of Duty: MW – Multiplayer
Counter Strike: Global Offensive
Counter Strike: Source
Deus Ex : Human Revolution
Deus Ex : Human Revolution Director’s Cut
Hitman Absolution
Hitman Sniper Challenge
Half Life 2
Metro 2033
Portal
Tomb Raider
Надградбата е достапна за 32 и 64 битната верзија на оперативниот систем, како и за 64 битната верзија од Windows Server 2012 R2. Истата можете да ја симнете на следниот линк.
Доколку играта што ја играте не е на листата, а го имате проблемот со маусот, Microsoft дава објаснување како да ја вклучите и вашата игра во листата. Ова вклучува менување на регистарот, па доколку немате барем основни познавања не се обидувајте да го направите тоа сами. За да ја проширите надградбата да го реши проблемот на вашата игра која што не е во горната листа, следете ги следните чекори:
1. Кликнете на Start копчето со десното копче на маусот и изберете Search. Во полето за пребарување внесете regedit.exe и притиснете Enter.
2. Кликнете Yes доколку ви се појави прозорецот од User Account Control кој бара да ги потврдите администраторските права.
3. Пронајдете ја следната папка во регистарот:
HKEY_LOCAL_MACHINE\SOFTWARE\Microsoft\Windows NT\CurrentVersion\AppCompatFlags\Layers
Доколку папката не постои, кликнете со десното копче на AppCompatFlags, потоа на New, па Key и во полето напишете Layers.
4. Креирајте нов клуч во регистарот. За да го направите тоа, кликнете со десното копче на Layers папката, потоа New, па String Value. Во полето внесете ја целосната локацијата на извршниот фајл на играта, па притиснете Enter.
5. Со десното копче кликнете на новоформираниот клуч и изберете Modify. Во полето Value Data напишете NoDTToDITMouseBatch, па притиснете Enter.
6. Кликнете OK за да ја потврдите промената. Креираниот клуч треба да биде како тој на сликата.
7. Отворете Command Prompt прозорец со администраторски права, со кликање со десното копче на Start копчето и избирање Search. Потоа во полето впишете cmd.exe, па на резултатот со десен клик изберете Run as administrator.
8. Внесете и извршете ја следната команда:
Rundll32 apphelp.dll,ShimFlushCache
