Apple оваа недела пушти надградби за своите два оперативни системи, односно мобилниот iOS и десктоп OS X El Capitan. Надградбите се мали, односно не донесуваат некои нови функционалности, а истото може да се види и од бројките на верзиите до кои што се донесени. iOS е надграден на верзијата 9.2, додека OS X El Capitan на верзија 10.11.2.
Двата оперативни систем беа достапни за тестирање во бета верзија, за програмерите и за обичните корисници пред пуштањето на финалните верзии. Промените во нив во главно се околу подобрување на перформансите и исправка на багови и пријавени грешки од корисниците.
OS X 10.11.2 покрај подобрување на перформансите, донесува подобрувања во некои од достапните апликации или функции, односно новата верзија вклчува:
- Подобрување во стабилноста и сигурноста на Wi-Fi
- Подобрување на Handoff и AirDrop функциите
- Исправка на проблем кој што може да предизвика исклучување на конекцијата со Bluetooth уреди
- Исправка на проблем на Mail апликацијата поврзан со бришење на пораки на Exchange сметки
- Исправка на проблем при префрлување на слики од iPhone на Mac преку USB
- Подобрување на споделувањето на Life Photos сликите со iCloud
Промените во iOS 9.2 исто така не се големи и значајни за обичниот корисник, а дел од нив вклучуваат:
- Подобрувања во Apple Music апликацијата
- Нов Top Stores дел во News апликацијата (достапен во одредени земји)
- Mail Drop функција во Mail за испраќање на поголеми прикачени фајлови
- Поддршка за 3D Touch и слушање на е-книги при прелистување на содржината во iBooks
- Поддршка за USB Camera Adapter на iPhone за префрлување на слики и видеа
- Подобрување на стабилноста во Safari и Podcasts апликациите
- Исправка на проблем за кирилични тастатури кој предизвикува вклучување на caps lock при внесување на текст во лентата за адреси и слично
Целосната листа на промени во iOS 9.2 можете да ја видите на следниот линк.
Како и обично, надградбата на новите верзии може да се направи преку вградените системи за ажурирање во самите оперативни системи, како и преку iTunes со поврзување на телефонот со компјутерот.
