Најновиот растечки тренд во именувањето на децата е да им се даваат имиња по Instagram филтер. Да, пред да си ги протриете очите и да препрочитате, не сте прочитале грешно.
Многу од трендовите на давање имиња кои се зголемуваат во 2015 година носат имиња како Lux, Ludwig, Amaro, Hudson, Kelvin, Reyes за машки и Juno, Valencia и Willow за женски. Сепак, за среќа овој тренд засега е далеку од доминантен во општата слика за имиња, па не влегуваат ниту во првите 10 од машка и од женска страна.
Ова не би требало да ве изненади бидејќи очигледно е дека најновите родители кои сега веќе се од миленијалската генерација се израснати со потрошувачките електронски технологии и Интернетот. Поради тоа постојано се „залепени“ за своите уреди кои им го одземаат вниманието и им ја менуваат перцепцијата за светот.
Инаку, Instagram (т.е. Facebook) ги собрал овие информации од 340.000 родители ширум светот, па потоа ги споредил со филтрите за да ја најде корелацијата, што веројатно не било многу тешко да се направи имајќи предвид дека повеќето луѓе споделуваат се` што ќе им се случи на Интернет, нормално ако е за фалење.
Веќе пишувавме за истражувањето во кое се обелодени дека тинејџерите немаат способност да распознаат реклама на Google од вистински пребарувачки резултати. Како што поминува времето ќе очекуваме ваквите трендови да се зголемат за жал и да бидат придружени од други слично бизарни, како овој за кој се пишува во оваа статија.
Едно време имињата како Ранду, Касандра и Џексон ни беа смешни кога ќе ги чуевме во Македонија. Изгледа дека таквиот менталитет никогаш не изумрел…
