Сите уреди кои користат стандардна дистрибуција на Android имаат вградено Google Play Store. Преку Google Play Store програмерите во Google можат да соберат одредени податоци, од кои повеќето се користат за дијагностика и статистики. Последните статистики што ги има направено Google велат дека Android KitKat е сè уште „најпопуларната“ дистрибуција на Android.
Според статистиките, Lollipop (5.0 и 5.1) е застапен на само 5,4% од уредите, додека Kitkat (4.4) и Jelly Bean (4.1. x, 4.2. x, 4.3) се застапени со 41,4% и 40,7% соодветно.
Прашањето е дали ниската бројка на уреди кои користат Lollipop е поради непотребното комплицирање од страна на производителите и носителите на мобилни услуги за да се надградат оперативните системи на постарите модели (како што е LG G3 на пример) или корисниците не се доволно задоволни од подобрувањата што ги носи Lollipop?
Извори: Digitaltrends, Android
