Иако русите ја одобрија својата вакцина уште пред почетокот на Фаза 3, сепак дури сега официјално може да кажеме дека светот добива уште една ефикасна вакцина за COVID-19. Sputnik V сега ги има официјалните резултати од тестирањето од третата фаза, која е најважна, а тие покажуваат ефикасност од 91,4%, што може слободно да се стави во рамките на другите одобрени или пред одобрување вакцини.
Sputnik V конечно ја завршува третата фаза после која требаше да дојде одобрувањето, а резултатите се одлични. Нив ги објавува компанијата Russian Direct Investment Found, која е и задолжена за промоција на вакцината.
Во тестирањето учествувале 22.714 луѓе, а како и што е практиката, на дел им била дадена вакцината, на дел плацебо. Од оваа бројка на луѓе, 78 ја добиле болеста, а според бројот од тие кои ја примиле вакцината се добива ефикасност од 91,4% на вакцината.
Исто така се истакнува дека од тие што ја добиле болеста, а ја примиле вакцината, никој не развил сериозна форма, со што може да се каже дека вакцината овозможува заштита и од тоа.
За разлика од првите две вакцини кои ги објавија своите резултати и кои се направени на новата mRNA метода, вакцината Sputnik V е направена на „стариот“ начин, односно слично како вакцината од AstraZeneca и Oxford, односно вакцината е направена со измена на вирус од обична настинка.
Овој начин на правење на вакцината ја има и предноста за транспорт, како и пониска цена.