Оваа недела, поточно во среда на 12-ти Ноември, после 10 години и поминати повеќе од 6,5 милијарди километри, Philae леталото слетувач дел од Rosetta, слета на површината на кометата 67P/Churyumov–Gerasimenko. По стигнувањето на кометата Rosetta се постави во орбита околу неа, од каде што беа добивани првите блиски снимки и други мерења од една комета. Леталото ќе остане околу кометата и идната година кога треба да продолжи да ја истражува кога ќе дојде поблиску до сонцето со што ќе започне да се топи нејзината површина.
Истражувањето на една комета е важно поради тоа што тие се смета дека во нив носат смрзнати остатоци уште од времето на формирањето на сончевиот систем. Тоа може да даде многу информации поврзани со начинот на формирање на системот, како и настанувањето на животот на Земјата.
Слетувањето на кометата од старана на Philae иако успешно, не помина како што било планирано. Леталото според планот требало да слета на одреден дел од кометата кој што ќе овозможи долга изложеност на сонце поради полнење на батеријата на него. За постигнување на такво слетување вградени се два системи, еден кој што треба да вклучи потиснувачи во обратна насока, односно нагоре со што леталото ќе биде задржано на површината. Другиот систем е составен од еден вид на харпун кој што по застанувањето посигурно ќе го зацврсти леталото на површината. Потребата за овие системи произлегува од тоа што кометата има прилично мала гравитација, па при слетувањето кое што не може да биде мирно, го одбива леталото од површината, па истото може да биде оштетено и слично.
Овие два системи на работеле како што треба при слетувањето, па Philae сепак има слетано на место кое што не му овозможува доволно сончева светлина за доволно полнење на батеријата. На батеријата и се потребни барем 7-8 часа на сонце, додека локацијата каде што има слетано леталото овозможува само 1-2 часа.
Сепак Philae има успеано да направи доволно слики, како и да ги употреби инструментите кои што се поставени како дел од него за истражување на површината на кометата. Податоците од тие мерења се успешно испратени до Rosetta, па до Земјата денеска после губење на контактот со леталото поради трошење на батеријата. Од ESA успеале до некаде да го поместат леталото и да го насочат во насока од каде што треба да добие нешто повеќе сончева светлина, меѓутоа сепак саканата локација и светлина на можат да бидат добиени.
Леталото повторно ја има потрошено батеријата, па сега веќе не се знае дали воопшто некогаш ќе може да ја наполни и да комуницира со Земјата. Период кога тоа се очекува да биде можно е идниот Август кога кометата ќе помине поблиску до сонцето, па достапноста на сончевата светлина ќе биде многу поголема.
ИНТЕРЕСНО ТВРДЕЊЕ ОД ТЕОРЕТИЧАРИТЕ НА ЗАВЕРА
Според UFO Sightings Daily сајтот оваа мисија воопшто не е тоа што ни е кажано дека е. Се работи за НЛО, а не комета кое што се обидува да воспостави контакт со нас луѓето. Вселенските агенции не би финансирале долга мисија само за истражување на комета, па ESA заедно со NASA ги прикриваат информациите за контакт со НЛО. Звуците кои што доаѓаат од кометата претставуваат начин преку кој што вонземјаните се обидуваат да комуницираат со нас.
Извор: ESA, ScienceDaily, Mirror UK
