Kон крајот на ноември 2013 година, Ubuntu/Canonical стапи во контакт со Tranquil PC за да го договори дизајнот и производството на она што стана познато како “The Orange Box”. Минатата седмица, Mark Shuttleworth, основачот на Canonical му го претстави производот на светот, на OpenStack самитот во Атланта.
Canonical влезе во хардвер бизнисот со решение кое ќе им помогне на корисниците, кои не се подготвени да изградат свој сопствен кластер, да почнат да експериментираат со приватен cloud базиран на Ubuntu и OpenStack.Orange Box е мобилен кластер со вградени Ubuntu 14.04 LTS, MAAS (Metal as a Service) и Juju и е способен веднаш да стане cloud сервер. Производот е особено интересен за поголеми компании кои се потпираат на огромни мрежи и cloud сервиси.
Станува збор за начин на употреба на OpenStack cloud инфраструктураза локален прототип на cloud работна околина. Всушност, не постои побезбеден начин за креирање на cloudод оној кога инженерите на Canonicalсe на ваша страна.
Orange Box се состои од 10 Intel микро-сервери со Ivy Bridge i5-3427U CPU , секојод нив има 4 јадра, графичка карта Intel HDGraphics 4000, 16 GB DDR3 RAM, 128GB SSD и Gigabit Ethernetприклучок. Првиот сервер исто така вклучува Centrino Advanced-N 6235 Wi-Fi адаптер и хард диск од 2TB. Сите јазли внатрешно се поврзани во кластер со D-LinkDGS-1100-16 прекинувач со 802.1q VLAN поддршка.
Во целина, микро кластерот се состои од 40 јадра, 160GB RAM и 1.2 TB SSD. “Кутијата” е со димензии 290mm x 213mm x 545mm и тежи 17 кг кога е празна, а со додатоци тежи 32кг. Вклучените додатоци се монитор, тастатура, глувче и монтажна Wi-Fi антена. “Кутијата” e дизајнирана да работи тивко, при што секој јазол пасивно се лади преку алуминиумски разменувач на топлина и само еден кулер кој го лади 100-240V напојување.
Решението претставува спектакуларна развојна платформа која ќе ja истакне хардверската моќ и сервисите на Ubuntu, MAAS, Juju, Landscape, OpenStack и други технологии. Orange Box може да биде компактен cloud, моќна машина или лесен кластер.
Производот е достапен од TranquilPC за цена од 12.750$ во неговата основна конфигурација. Canonical нуди и дводневена обука од страна на инженери за тоа како се користат Ubuntu, MAAS, JuJu и останатите алатки од кластерот, како и консултации за практично користење во бизнисот.
Повеќе технички детали се достапни на следниот линк https://insights.ubuntu.com/wp-content/uploads/DS_The_Orange_Box.pdf.
