Можеби повеќето од нас не сме генијалци, меѓутоа од сега барем ќе можеме да пишуваме како такви. Тоа ќе биде овозможено преку фонтот за компјутерите направен на основа на ракописот на Алберт Ајнштајн.
Фонтот ќе биде достапен за повеќето платформи, односно на Mac, PC, Android, iOS и Linux. Развиен од страна на Harald Geisler и Elizabeth Waterhouse моментално е понуден како проект на Kickstarter платформата за финансирање, каде што има собрано многу повеќе од минималната сума од 15.000 долари.
Доколку сакате да го поддржите проектот и притоа да го добиете фонтот, тоа можете да го направите уште 5 дена за 15 долари, па нагоре.
Инаку фонтот е направен што пореално да го отсликува ракописот на Ајнштајн. Како што истакнуваат неговите развивачи, до идејата дошле случајно додека пиеле кафе и виделе текст напишан рачно на хартија. Тогаш решиле да развијат сопствен ракописен фонт, по што се решаваат тоа да биде од некоја позната личност.
Дигитализирањето на ракописот на Ајнштајн трае веќе 6 месеци, а ќе им биде потребно уште толку време по собирањето на средствата за негово усовршување.
Извор: Kickstarter
