Доста дизајнери прават концепт дизајни за тоа како тие сметаат дека би требало да изгледа некоја наредна верзија од Windows. Од време на време излегува по некој навистина добар дизајн кој прави да посакаме да биде прифатен од Microsoft.
Овој концепт вклучува долна лента која не е на целиот екран, па е направена во форма на „док“, нешто слично на macOS, но со Windows 11 стил. Исто како што е стилот на macOS, како и доста Linux дистрибуции, овој концепт вклучува и горна лента, па информациите кои обично беа поставени на долната, сега се поставени на неа.
Целиот дизајн дава акцент на проѕирни елементи, а посебно внимание е дадено и на Старт менито кое сигурен сум дека на повеќето корисници ќе им се допадне повеќе од сегашното кое добива доста критики.
Видеото од концепт дизајнот за Windows 12.1 pro, како што е наречен, можете да го погледнете во продолжение.
