Stories на Instagram, иако како формат ги има и во доста други апликации, а првпат ги „измисли“ Snapchat, се можеби најпопуларниот начин на изразување на корисниците на друштвените мрежи. Според статистиките, половина од корисниците на Instagram ги користат Stories, што е бројка од околу половина милијарда корисници.
Кога ќе се земе ова во предвид, воопшто не изненадува што Facebook, сопственикот на Instagram, сака да ги направи Stories уште повеќе достапни и во преден план. Од компанијата тестираат да Stories се прикажуваат во два реда на почетокот од листата со новости, наместо како што е сега случајот, во еден ред.
Покрај ова, под вториот ред ќе биде додадено ново копче, „See All Stories“, кое ќе води до нова и посебна страна на која ќе бидат прикажани сите Stories на едно место. Со други зборови, корисниците кои следат голем број на корисници и редовно проверуваат што е објавено во форма на Stories, сега ќе имаат посебен дел посветен специјално само на овој формат на објави.
You've heard of two rows of Instagram Stories…
— Julian Gamboa (@JulianGumbo) June 26, 2020
Now prepare for "SEE ALL STORIES" pic.twitter.com/vs42wwHuh0
Од Instagram, односно Facebook, иако го потврдуваат тестот, не информираат од кога оваа новина може да се очекува за сите корисници. Ако се земе во предвид досегашното искуство, тоа ќе зависи изгледа од тоа како и колку ќе ја прифатат оваа новина корисниците, односно дали ќе вреди истата официјално да биде пуштена за сите корисници.
