Google направи неколку промени во дизајнот и функциите при прикажувањето на резултатите од пребарувањето преку десктоп прелистувачите. Поточно се работи за промена на изгледот на резултатите, како и промена во начинот на прикажување на рекламите.
Ќе забележите дека фонтот на резултатите сега е видливо поголем, а исто така тргната е и линијата која што се појавуваше под насловот на резултатите. Исто така рекламите кои што досега беа прикажувани во посебна рамка со различна боја од остатокот, нешто што треба да ги издвои од другата содржина, сега тие се означени со зборот реклама (ad) кој што е означен со жолта боја. Ваков начин на означување на рекламите веќе се користи во мобилната верзија на Google Search.
Извор: Mashable
