Shutterstock.com

Можеби има одредена категорија на граѓани кои одбиваат да ги почитуваат препораките за седење дома, сепак, повеќето луѓе се дома многу повеќе од што се во „нормални“ услови. Што да се прави во вакво време, освен да се гледа видео содржина на Netflix, Amazon Prime Video, YouTube и другите нема да ги спомнеме поради тоа што не се достапни во Македонија.

По барање на Европската Комисија, минатата недела Netflix и YouTube објавија дека ќе го намалат квалитетот на нивната видео содржина со цел да се намали големото оптоварување на интернет мрежите во ова време.

Намалувањето на квалитетот сепак не би требало да биде забележан од повеќето корисници, односно не до толку од тие што ги перципираат овие работи повеќе. Менување на квалитетот веќе постои кај овие мрежи зависно од квалитетот на интернет конекцијата на корисникот во моментот, па во овој случај само ќе се ограничи квалитетот на помалку.

Да нагласиме сепак дека не е точно јасно дали ова намалување на квалитетот во Европа ги вклучува и земјите кои не се во ЕУ, како нашата земја.

На оваа група на видео сервиси сега се приклучува и Facebook каде на нивните две мрежи се гледа доста видео содржина. Од компанијата најавија дека на Facebook и Instagram ќе биде намален квалитетот на видео содржината за корисниците во Европа.

Оставете коментар

This site uses Akismet to reduce spam. Learn how your comment data is processed.