Веќе одамна е јасно, а посебно за помладите корисници, дека Instagram е многу повеќе популарна друштвена мрежа од Facebook. Иако бројот на корисници на Facebook не се намалува, сепак иднината личи дека ќе остане на Instagram, TikTok и сличните.
Facebook во тест известување кај мал број на корисници кои ги имаат поврзано своите Facebook и Instagram сметки, се обидува да ги потсети корисниците да ја користат оваа „стара“ мрежа.
Известувањето се појавува на почетокот од Instagram апликацијата и во него стои информација дека одредени работи може да бидат направени само преку Facebook, работи како барање работа, купување и продавање на добра, следење на најновите новости и слично.
Од Facebook ја потврдуваат информацијата и истакнуваат дека моментално известувањето се пушта кај многу мал број на луѓе и само кај тие кои ги имаат поврзано двете друштвени мрежи, односно нивните сметки.
Реакцијата на ова е дека воопшто не изненадува фактот дека Facebook сака да остане главната мрежа, иако Instagram е во нејзина сопственост. Според некои информации, Марк Закерберг се тврди дека бил љубоморен на успехот на Instagram, а видовме дека тој не успеа да најде заеднички јазик со основачите на оваа мрежа по што тие ја напуштија компанијата.