За време на годишното собрание на акционери, Tesla најави дека го има произведено својот 3 милионити електричен автомобил. Достигнувањето на бројката се има случено изминатите неколку недели, што значи дека истата е веќе надмината.
Ова е голем успех за Tesla кои пред 10 години имаа проблем со доволно големо производство, па дури имаше ситуации на доцнење на нарачки на автомобилите.
Покрај стандардните фабрики, Tesla сега има и 4 гигафабрики од кои едната ја отвори оваа година во Германија. Оваа гигафабрика треба да произведува 500.000 возила годишно, но таа бројка уште не е достигната.
Од компанијата сакаат до 2030 да произведат 20 милиони автомобили, нешто што засега делува дека не би можело да се оствари. За да може да се достигне оваа бројка, Маск истакнува дека ќе им бидат потребни 12 гигафабрики кои ќе произведуваат во нивниот полн капацитет.