Покрај другите мерки кои ги преземаат од компанијата, Instagram, односно Facebook, воведоа нова можност за корисниците на оваа мрежа која треба да им го олесни овој период во кој се препорачува друштвена дистанца, односно седење дома.

Се работи за можност за разгледување на слики и видеа за време на видео повик, без разлика дали е со една личност или група. Разгледувањето може да се прави од сликите и видеата кои ги имаат лајкнато, зачувано, како и препорачани од страна на Instagram.

За да се почне ова заедничко разгледување на мрежата, се што треба е да се започне видео повик, па да се притисне на новата „Media“ икона во долниот десен агол. За да може и другата страна да го види тоа што го гледа корисникот, потребно е да избере една слика од листата која ја разгледува.

Новата функција веќе им е достапна на корисниците, па можете веднаш да почнете да ја користите.

Оставете коментар

This site uses Akismet to reduce spam. Learn how your comment data is processed.