Сервисите за стриминг на видео содржина стануваат се повеќе популарни, а тоа посебно се случува на сметка на „обичната“ телевизија. Луѓето се повеќе се решаваат за сега веќе не толку малиот број на стриминг сервиси каде се достапни повеќе филмови и серии, а посебно новите кои самите сервиси почнуваат да ги продуцираат.

Во нашата земја се достапни четири сервиси за стрминиг, односно Netflix, Amazon Prime Video, HBO Go и Pickbox. На корисниците во САД им се достапни уште неколку сервиси, а се појавуваат и уште доста помали кои треба да се додадат на можноста за стрминиг на телевизиските канали.

Слободно може да се каже дека изборот кај нас не е воопшто лош, а посебно доколку не ви смета да плаќате за неколку сервиси. Какви се овие сервиси секако е важно да се знае со цел да се добие што подобро корисничко искуство.

Amazon Prime Video има одличен избор на филмови и серии, а посебно е добар изборот и на нешто постари серии кои порано сите ги имаме гледано. Тие исто така имаат доста добра и квалитетна сопствена продукција, која иако е поретка од Netflix, може да се каже дека е подобра на некое ниво.

Сепак, овој сервис имаше една маана, а тоа е неможноста да се креираат посебни профили како во случајот на Netflix. Тоа значи дека доколку од истата сметка гледаат повеќе луѓе, тоа што го гледаат, односно листата на почнати филмови и серии за сите ќе биде иста, а препораките ќе се мешаат поради вкусовите на неколку различни гледачи.

Според информациите од корисници во одредени земји, Amazon конечно почнува да ја тестира, а постепено и ќе ја пушти за сите, оваа функција на својот сервис. Бројката на различни профили ќе биде поголема од таа кај Netflix, па Prime Video ќе може да го гледаат до 6 различни корисници со сопствен дел за предлози, листи и започната содржина.

Профилите ќе може да се додаваат во делот „My Stuff“ кога можноста ќе стане достапна, а веруваме дека Amazon тоа ќе го направи да биде очигледно.

ИЗВОРThe Verge
Претходна статијаInstagram воведе функција која треба да го олесни друштвеното дистанцирање препорачано за овој период
Следна статијаЗабележете повеќе од тоа што го сакате со помош на новите функции на Galaxy S10 и Galaxy Note10
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.