fifa-world-cup-2014

Како што повеќето од вас знаат, а и сигурно го следат, во тек е светското првенство во фудбал кое што оваа година се одржува во Бразил. Натпревари има многу, па покрај тоа што го прави гледањето интересно, може некогаш да се прашувате дали има едноставен начин како да видите кои натпревари следат и да не заборавите да ги гледате. Во продавниците за апликации може да се најдат повеќе апликации кои што ќе ви помогнат во следењето на натпреварите. Меѓутоа мислиме дека поставувањето на распоредот во вашиот календар е можеби наједноставно, а на овој начин можете да поставите и потсетници, па договарањето околу кои натпревари да ги гледате да биде многу поедноставно.

Распоредот можете да го додадете на Outlook Calendar или на Google Calendar кои што се најкористени, но можете да го додадете и доколку користите некој друг сервис кој што овозможува календари. Додавањето е едноставно и можете да го направите преку следните чекори:

  • Најавете се со вашите корисничко име и лозинка на Outlook Calendar доколку сте корисник на Windows Phone и на Google Calendar доколку сте корисник на Android уред
  • Притиснете на Import > Subscribe во Outlook и на Other Calendars > Add by URL на Google
  • Во соодветните URL полиња внесете ја следната адреса webcal://www1.skysports.com/calendars/football/fixtures/competitions/worldcup
  • Во Google се што треба е да притиснете на Add Calendar, додека во Outlook треба да изберете име на календарот, боја, како и икона, па можете да притиснете на Subscribe.

По завршувањето на овие чекори целиот распоред ќе се појави на сите уреди каде што користите календар од овие провајдери, односно на вашите Android уреди, на вашиот Windows Phone и Windows 8 уред и слично.

Претходна статијаНаправете го вашиот клима уред паметен со Sensibo
Следна статијаНов 3Д материјал кој го ’’имитира’’ однесувањето на добропознатиот 2Д графен
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.