X, поранешен Twitter, ќе започне со собирање на биометриски податоци, но не од сите свои корисници како што се кажуваше, туку само од Premium корисниците. Целта на ова ќе биде точна идентификација на овие корисници, односно потврда дека се работи за личноста на чие има гласи профилот.
Поточно, X со ова сака да подобро се бори против ситуациите на имитација, односно лажно претставување, а со тоа да ја направи оваа платформа побезбедна, како што истакнуваат од компанијата.
Premium корисниците ќе можат да ги дадат своите лични карти, како една можности, а исто така ќе можат да ги дадат своите биометриски податоци, како што е отисокот од прстот.
Оваа новина треба да ја зголеми сигурноста дека профилите кои имаат ознака на нив, се навистина верификувани, нешто што стана проблем по купувањето на мрежата од страна на Елон Маск кој можноста за ознака ја даде на сите кои ја плаќаат Premium претплатата.
Без разлика на презентацијата, ваквата одлука за некои го отвора прашањето за приватноста на X, а во тој правец оди и најавата дека од компанијата планираат да ги користат јавните податоци кои ги објавуваат корисниците за тренирање на вештачката интелигенција.
