Пристапот до новиот Bing сега е пуштен за сите корисници, односно веќе не се чека по запишување на листа на чекање пред можноста да се користат новите функции. Ова е вака барем привремено, а од Microsoft имаат потврдено и ова е дел од тестирањата кои се прават од пуштањето на новиот Bing.
Ова значи дека функциите на основа на вештачка интелигенција се’ уште се сметаат дека се во „preview“ фаза и нивното користење сепак бара приклучување од страна на корисниците и не е достапно автоматски за сите.
Приклучувањето за добивање на пристап до новите функции се прави директно на страната од Bing, односно преку http://bing.com/new. Потребно е најавување со Microsoft сметка, а исто така пристапот засега е достапен само преку Microsoft Edge прелистувачот.
Инаку, со најновата верзија од Edge, корисниците од оваа недела добиваат директен пристап до новиот Bing како вградена функција во самиот прелистувач. Достапно е ново копче во горниот десен дел од апликацијата, а покрај можноста за поставување прашања и разговор, оваа функција овозможува и сумирање на делови од текст, креирање на нов текст и слично.
