Веќе подолго време се зборува дека Microsoft има план да ја смести Cortana во домовите на корисниците преку најразлични паметни уреди, како на пример паметен безжичен звучник. Сега, тие лансираат и паметен термостат со Cortana, кој ќе може да ја контролира целата температура во вашиот дом.
Засега нема многу информации за овој уред, односно какви се можности ќе има, но од видеото може да се види дека ќе функционира со помош на Cortana. Исто така, сигурен сум дека доколку имате инсталирано Cortana на вашиот смартфон, таблет или лаптоп, ќе можете да ја управувате температурата во вашиот дом од далеку и тоа само со гласовни команди.
Покрај вашиот смартфон, GLAS може да се управува и преку гласовни команди насочени директно кон него, а има и дисплеј на допир за попрецизна контрола.
Термостатот е инаку производство на компанијата Johnson Controls, која има производствен погон и кај нас и која се занимава пред се со производство на ентериери за автомобили.
Засега нема информации за цената на овој уред или пак кога точно ќе биде достапен, а знаејќи ги Microsoft, може да се случи да почекаме малку подолго пред да го видиме овој уред во продавниците, а може сето тоа и воопшто да не се случи.
Како и да е, GLAS е одличен показател за можностите на Cortana и како таа може да се користи за сите паметни уреди низ домот.
Извор: The Next Web, Engadget, TechRadar
