Барем еднаш во животот сме си играле со генијалните LEGO коцки. Нема дилема дека тоа е една од најдобрите игри некогаш измислена. Денес, LEGO оди на едно скалило погоре и го разгледува 3D принтањето како потенцијална можност за корисникот сам да си креира сопствени коцки.
Оваа интересна понуда ќе можат да ја искористат само оние кои имаат домашни 3D принтери. Тие ќе можат да си направат свои коцки наместо да ги нарачуваат од интернет или пак да ги набавуваат од продавница. Со ова би се создале уште понеобични облици на коцки кои би можеле да бидат финансиски неизводливи за самото раководство на LEGO да го одобри нивното производство.
Една од опциите е LEGO да понуди планови за дизајн на коцки кои ќе можат да се преземат од интернет, или преку апликација за која минимално ќе им наплаќа на корисниците. Друга алтернатива е LEGO да понуди цели нови сетови на коцки како оние предложени од LEGO фановите за време на CUUSOO проектот (Star Wars тематските градења), Sherlock пакети и сл. Тие ќе може во целост да се преземат од интернет и принтерот механички да ги испринта сите потребни компоненти.
Според маркетинг директорот на LEGO Mads Nipper, 3D принтањето може да биде одлична можност за компанијата, која е отворена за промени. Со ова би се спротиставиле на сите игри со виртуелно редење коцки како Mincraft и сл. и би предизвикале уште поголемо задоволство и заинтересираност кај корисниците. Оваа компанија за пластични коцки веќе има една успешна соработка со Google, виртуелната LEGO игра понудена на пребарувачот Chrome.
Со се поголемата актуелизација на 3D принтањето во следните неколку години се очекува 3Д принтерите да пристигнат и во нашите домови, па со појавата на достапни модели и намалени техничките барања за нивна употреба, ова е брилијантен начин со кој ќе се разбуди нашата имагинација и ќе можеме да дизајнираме коцки по наша желба.
