Американскиот мобилен оператор T-Mobile и SpaceX најавија соработка која на корисниците ќе им овозможи константна поврзаност на мрежата, дури на местата каде што нема базни станици.
За разлика од нашата земја која е доста помала по површина и е скоро 100% покриена со мобилна мрежа, во САД ситуацијата е доста поразлична, па од T-Mobile истакнуваат дека скоро 1.3 милиони квадратни километри не се покриени од ниту една мобилна мрежа.
Овие делови ќе бидат покриени со делумна мрежа со помош на Starlink сателитите во кои ќе биде додадена потребната опрема и кои ќе почнат да бидат лансирани од идната година.
Ова посебно се промовира за спортистите кои не ретко се случува да им е потребна помош на некој доста оддалечен дел од најблиската цивилизација, за екипите за итна помош и слично.
Во продолжение можете да ја погледнете најавата од страна на директорот на T-Mobile и Елон Маск.
