Со масовното усвојување на 5G технологијата, глобалната потрошувачка на мобилни податоци треба да експлодира во следните години. Од просечни 9 GB месечно по лице во 2020 година, мобилниот сообраќај се очекува да се искачи на 35 GB до 2026 година.

Според најновиот извештај за мобилност на Ericsson, секој ден во светот се склопуваат околу милион нови 5G претплати. До крајот на 2021 година, границата од 500 милиони треба да биде помината. Кина, Северна Америка и Блискиот исток се најентузијастични во врска со 5G, додека Европа заостанува, поради доцното пристигнување на понудите. 5G технологијата всушност ќе стане најбрзо прифатена мобилна генерација на сите времиња. Ericsson предвидува дека до 2026 година во светот ќе бидат активни најмалку 3,5 милијарди претплати.

Северноамериканците се очекува да трошат најмногу податоци до 2026 година, со просек од 48 GB месечно по лице. Во Западна Европа, Персискиот Залив и Индија, исто така, би требало да биде достигнат прагот од 40 GB, ниво речиси достигнато и во Кина. Изненадувачки, потрошувачката на податоци се очекува да биде најмала во Африка, во просек околу 9 GB месечно, што сепак ќе биде четири пати повеќе отколку во 2020 година.

Според извештајот на Ericsson, само видео содржините може да претставуваат 77 проценти од мобилниот сообраќај во 2026 година, за разлика од 66 проценти во 2020 година.

Претходна статијаSamsung го закажа својот нареден Unpacked настан за 11ти август
Следна статијаMicrosoft Store во Windows 11 сега го има Microsoft Edge за симнување