Фото: Shutterstock.com

Преку кинеската мрежа Weibo, Qualcomm најави настан којшто ќе го одржи на 20 мај на кој треба да биде претставен нов мобилен чип од компанијата.

Со оглед на тоа дека е рано за претставување на Snapdragon 8 Gen 2, тоа што може да се очекува е стандардното претставување на „освежена“ верзија од главниот чип, односно Snapdragon 8 Gen 1+. Овие верзии од чиповите обично донесуваат одредени помали подобрувања, но се доволни за да корисниците кои ќе купат смартфони претставени во овој период од годината да добијат нешто подобри перформанси.

Како поголема промена кај можниот Snapdragon 8 Gen 1+ e неофицијалната најава дека Qualcomm ќе се префрли кај TMSC за производство на чиповите, нешто што сега се прави во соработка со Samsung.

Според одредени информации, дури и чиповите од Qualcomm се соочуваат со одредени проблеми, па процесот на производство кој се користи од страна на TMSC се очекува дека ќе ги реши, па корисниците кои ќе имаат уред со Snapdragon 8 Gen 1+ може да очекуваат нешто поголемо подобрување од тоа што е само на хартија.

Покрај можното претставување на Snapdragon 8 Gen 1+, на овој настан можно е да го видиме и првиот чип од пониските класи со новиот стил на именување од страна на компанија, односно можно е претставување на Snapdragon 7 Gen 1.

Очекувањата се дека новите чипови кои ќе бидат претставени ќе биде најавено дека веднаш ќе претстават уреди Lenovo, Motorola, OnePlus и Xiaomi, поради што и најавата за настанот се случува преку кинеската друштвена мрежа.

ИЗВОРAndroid Central
Претходна статијаСе одржа DevCon 2022: Вмрежување и споделување на знаење од ИТ заедницата за ИТ заедницата
Следна статијаHuawei ќе ги презентира можностите за „девелопери“ на конференцијата Nordic Game
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.

Оставете коментар

This site uses Akismet to reduce spam. Learn how your comment data is processed.