Како што знаете, iPhone 6 треба да биде претставен за точно една недела, односно на 9-ти Септември. Иако неговото претставување не е официјално најавено, Apple почна да испраќа покани за настан на овој ден, што е доволно за да се очекува новиот модел.
Неофицијални информации, слики и видеа излегуваат секојдневно, па би можеле да кажеме дека е добро што остануваат уште недела дена, по што конечно ќе го видиме најновиот модел од Apple, нешто што секогаш привлекува големо внимание. Бројот на неофицијални информации е голем, па ние ги избираме оние кои што сметаме дека се поинтересни и вреди да бидат објавени.
Денеска достапно е видео направено од страна на Rozetked руски сопственик на YouTube канал. Во видеото, кое што мора да се нагласи дека е со одличен квалитет, тој претставува iPhone 6 кој што наводно е направен од собрани делови кои што станаа достапни од разни места. Моделот кој што го прикажува изгледа дека е помалиот од двата очекувани модели, односно моделот со големина на екранот од 4,7 инчи.
На видеото се гледаат сите карактеристики кои што и до сега беа протекувани на интернет. Една од најинтересните работи, барем кога се работи за дизајнот, е менувањето на стилот и применувањето на стилот кој што се користи кај iPod и iPad mini. Ова сигурно ќе привлече доста внимание поради популарноста на овој дизајн кај корисниците.
Во продолжение можете да го погледнете видеото кое што е на руски, меѓутоа има и превод на англиски.
