Корисниците во САД кои имаат криптовалути, ќе можат да почнат да ги користат истите за да плаќаат прек PayPal. При поминувањето на стандардниот процес на плаќање со PayPal на некоја страна, корисниците сега ќе можат да изберат од неколку достапни криптовалути со кои ќе можат да ја платат потребната сума.
На корисниците ќе им бидат достапни неколку кроптовалути, односно Bitcoin, се разбира, Ethereum, Litecoin и Bitcoin Cash. При изборот на некоја од овие криптовалути, вредноста ќе им биде конвертирана во долари, по што ќе можат да ја платат услугата или производот кој го купуваат. PayPal истакнува дека за конвертирањето и трансакцијата тие нема да наплаќаат провизија.
Доколку тоа што го купуваат, односно страната не прима долари, вредноста ќе им биде конвертирана во локалната валута. Исто така, нема да може да се користат неколку криптовалути за едно купување, односно ќе мора да се избере една.
Оваа новина доаѓа по воведувањето на можноста корисниците да купуваат и продаваат криптовалути директно од нивната PayPal сметка. Оваа можност беше воведена минатата година, а сега овие криптовалути корисниците ќе можат и реално да ги употребат.