LastPass беше еден од најпознатите менаџери на лозинки кој на корисниците им овозможува одлични функции кои редовно беа надградувани. Сепак, популарноста на овој сервис падна кога компанијата мајка, LogMeIn беше продадена на две инвестициски компании во 2020.
Оваа година од компанијата го променија бесплатниот план и направија да корисниците во основа мораат да плаќаат доколку сакаат да продолжат да го користат сервисот како дотогаш, односно на повеќе уреди, меѓу другото.
Тогаш ние ви препорачавме да се префрлите на одличниот Bitwarden кој е бесплатен и со отворен код, иако на пазарот има уште неколку одлични алтернативи.
Сега од LastPass, односно од LogMeIn, најавуваат дека LastPass ќе се издвои како посебна и независна компанија. Со оваа промена ако не друго, компанијата веќе нема да биде поврзувана со инвестициски компании и како независна ќе може да биде ценета директно по нејзината главна работа.
Со издвојувањето се најавува дека тимот ќе може да продолжи поефикасно да функционира и на корисниците да им овозможи побрзо добивање на нови функции.
По случувањата минатата и оваа година, LastPass во главно остана компанија која ја користат бизнис корисниците, па ќе видиме дали со оваа промена ќе може да бидат вратени и дел од поранешните приватни корисници.