Од минатата година корисниците во САД имаат уште еден стриминг сервис на располагање, HBO Max, додека во остатокот од светот корисниците можат да го користат HBO Go. Дел од содржината која станува достапна на HBO Max може да се гледа и преку HBO Go сервисот кој е достапен кај нас.
HBO Max може да се каже дека е понова и модерна верзија од HBO која е направена за време кога на пазарот доминираше Netflix.
Овој сервис од идниот месец доаѓа во Европа, а за истото ќе има посебен настан на 5ти октомври. За почеток HBO Max ќе им стане достапен на корисниците во Шведска, Данска, Норвешка, Финска, Шпанија и Андора, додека за идната година се најавува проширување и на Балканот, односно и во Македонија меѓу другите земји.
Уште не е познат точниот месец кога може да се очекува, но со оглед на најавите, сигурно тоа ќе биде во првата половина од идната година.
Корисниците можат да го очекуваат и досега одличниот избор на содржина кој го има на HBO Go, но во поновиот софтвер преку кој функционираат од компанија сега.