Секој втор вторник во месецот Windows 10 добива надградба која во главно донесува безбедносни исправки и други слични исправки кои не се поврзани со нови функции. Корисниците кои обично ги одложуваат достапните надградби се препорачува овие да не ги одложуваат.
Сепак, како што е често случајот, повторно има пријави за проблеми по инсталацијата на вчерашната надградба, меѓутоа нема информација за колкава бројка се работи, па се што се знае е дека има неколку пријави на форуми.
Надградбата вчера донесе 56 исправки кои се поврзани скоро со сите производи од Microsoft. Од тие повеќето се означени како важни, но има и 11 кои се во категоријата на критични. Една од исправките е наменета за пропуст во системот кој овозможува инсталација на малициозен софтвер, пропуст за кој има информации дека веќе е искористен, но најверојатно само во Кина.
Листата на сите производи од Microsoft кои добија исправка со вчерашната надградба можете да ја погледнете тука.