По три месеци од пред-акцелераторската програма, 33 стартапи од 6 држави од регионот – Босна и Херцеговина, Албанија, Северна Македонија, Србија, Косово и Хрватска имаа можност да се претстават и да станат дел од првиот регионален акцелератор.

На овој Стартап Демо Ден осум стартапи поддржани од „Сеавус Акцелератор“: Generation Impact- Iva Velkovska; Kenzo MK; Bintern; GoConf; Finance Titans; Prodavnici.mk – Продавници МК; Klik Superapp; Beehold имаа ексклузивна можност своите бизнис-идеи да ги претстават пред инвестициски судии од партнерските организации и со тоа да обезбедат учество на првата регионална акцелераторска програма.

Поддржана од Академијата за претприемништво на Европскиот фонд за Југоисточна Европа (EFSE) и ЕУ, програмата Tech Boost во својата пред-акцелераторска фаза броеше 33 стартапи, од кои 12 стана дел од акцелераторска фаза. Во пред-акцелераторската програма од страна на Сеавус Акцелераторот се претставија 8 стартапи и од нив на овој демо ден се избраниKenzo MK; Bintern; Klik Superapp; Beehold кои ќе бидат дел од првиот регионален акцелератор, и ќе имаат можност да освојат награда од 15.000 евра. Дополнително овие стартапи ќе имаат можност да се претстават пред странски и домашни инвеститори и да обезбедат многу поголеми инвестициски фондови за нивните бизниси.

Со ова Сеавус Акцелераторот во партнерство со едни од најдобрите европски акцелератори- Startup Wise Guys и водечкиот инкубатор и акцелератор Spring Activator со седиште во Канада, ја имплементираше својата петта акцелераторска програма која беше дизајнирана да ги зајакне внатрешните капацитети на претприемачите во рана фаза и да им помогне да ги скалираат своите бизниси на глобалниот пазар.

Претходна статијаNASA успешно го лансира James Webb телескопот кој треба да ги види првите галаксии, како и далечните светови
Следна статијаTikTok неколку пати годинава го презема првото место од Google како најпопуларен домен во светот

Оставете коментар

This site uses Akismet to reduce spam. Learn how your comment data is processed.