Ingenuity хеликоптерот од NASA беше успешно поставен на површината на Марс изминатиот викенд. Ова беше важен чекор, иако висината од која беше пуштен, од долниот дел на Perseverance роверот, е само 10 сантиметри.
Ingenuity хеликоптерот има за мисија да ја тестира можноста за летање на друга планета, меѓу другото, а првиот лет треба да го направи овој месец. Доколку се помине како што треба, ќе биде поставена основата за идните летала од NASA.
Пред да биде целосно спуштен на површината од црвената планета, камерата која е поставена на Ingenuity ја направи својата прва слика, за жал со ниска резолуција.
Оваа слика сепак не овозможува некој поглед, па ниската резолуција не прави некој посебен проблем.
Сликата е од под Perseverance роверот и на неа во главно се гледа земјата на Марс, како и дел од тркалата на роверот.
Во исчекување на повеќе слики, а посебно тие при тест летовите, можеме да ја разгледаме оваа слика како најава за што следува.
