Со почеток во 15:00 часот по македонско време, Samsung ќе го одржи нивниот Galaxy Unpacked August 2022 настан кој повторно ќе се пренесува во живо преку YouTube.
На овој настан ќе бидат претставени доста интересни уреди, па дефинитивно ќе вреди да се гледа.
Според нас, главниот уред кој ќе биде претставен е Galaxy Z Fold4, односно наредната генерација од одличниот уред кој со преклопување се претвора од мал таблет во смартфон.
Четвртата генерација од Galaxy Z Fold се очекува да донесе неколку новини кои ќе го направат уште попривлечен за користење. Се очекуваат промени во димензиите, а посебно во ширината на надворешниот екран, овозможувајќи им на корисниците послично искуство како со обичен смартфон кога уредот е затворен.
Покрај овој уред, треба да ја видиме и наредната генерација од другиот уред на преклопување од компанијата, односно Galaxy Z Flip4.
Дополнително, Samsung треба да ги претстави и Galaxy Watch5, Galaxy Watch5 Pro, како и нова генерација од нивните безжични слушалки.
Но, да не продолжуваме со претпоставките, отворете го овој линк и гледајте го настанот во 15:00 часот, а за да не заборавите, притиснете на копчето за потсетник.
