Cnn13axVYAAt1UV

Иако главната цел на SpaceX е да го усоврши слетувањето на брод, односно платформа во океан, слетувањата и на земја не се воопшто неважни за развојот на ова технологија.

Денеска SpaceX го направи своето петто успешно вертикално слетување, односно второ извршено на земја. Ракетата е веќе познатата, Falcon 9, која ја има носено исто така од SpaceX развиената Dragon капсула. Мисијата којашто се’ уште е во тек, има за цел да однесе повеќе работи на Меѓународната Вселенска Станица, меѓу кои и нов „докинг“ систем.

SpaceX е пример за тоа како функционираат работите во САД, каде што една ваква важна задача веќе одреден период е препуштена на приватна компанија. Тие со овој развој треба се почесто да се изборот за носење на луѓе и товар во орбитата на земјата, а кога ќе го усовршат концептот на вертикално слетување, сето тоа ќе биде со многу пониски трошоци од порано.

Инаку, заштедата на трошоците при користењето на ракети кои можат да направат вертикално слетување доаѓа од тоа што овие ракети потоа повторно може да се користат за нови мисии. Тоа не беше случајот досега, па за секоја нова мисија беше потребно производство на нова ракета. Разликата во трошоците е во милиони.

Слетувањето на брод е потребно за мисиите кои бараат многу повеќе гориво, поради одење до повисока орбита, па слетувањето на подвижна платформа која ќе се прилагоди на локацијата на ракетата значително ги намалува потребите од дополнително гориво кое се користи при слетувањата.

Извор: The Verge, Cnet

Претходна статијаWIZZ AIR доби ИОСА регистрација од ИАТА
Следна статијаНовиот смартфон на Sony од високата класа покажан на протечени фотографии
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.

Оставете коментар

This site uses Akismet to reduce spam. Learn how your comment data is processed.