За земјите од овој дел од светот, користењето на платена верзија од Windows е нешто навистина ретко кога се работи за обичните корисници. Големи се шансите да ако сте еден од ретките корисниците на легална копија од овој оперативен систем, да сте биле исмејувани од друштвото или барем да сте биле прашани „Зошто?“.
Се разбира источните земји не се единствените кои што користат пиратски верзии од софтверските решенија кои што се достапни, а се работи само за процентот на застапеност. Тоа значи дека компаниите кои што не развиваат софтвер со отворен код, проблемот на нелегално користење на нивните производи е нешто со кое што повеќето се соочуваат.
Интересно, но новиот директор на Microsoft, Satya Nadella, смета дека тоа не претставува голем проблем за нив, барем кога се работи за обичните корисници. Според него пиратските верзии од Windows се еден вид на бесплатна верзија од оперативниот систем, а исто така подобро е така да го користат отколку воопшто. Овој начин на користење на нивниот оперативен систем го гледаат и како еден начин на навикнување на корисниците да го користат, па дел од нив во иднина стануваат и корисници кои што плаќаат.
Меѓутоа, како и што би очекувале, оваа изјава има своја граница, па доколку тие забележат користење на поголема бројка на пиратски верзии од нивните производи, за истото сепак би реагирале. Откривањето на пиратските верзии се врши од страна на посебен сектор во компанијата наменет за откривање на сомнителни шеми на користење на лиценците и слично.
Дека од компанијата сепак би реагирале во одредени ситуации покажува жалбата која што тие ја имаат поднесено до суд во која што тврдат дека одредена IP адреса која што е од корисник на AT&T операторот во САД, има активирано поголем број на Windows и Office лиценци. Лиценците се верува дека се добиени на нелегален начин и дека корисникот немал право да ги активира.
Ова се разбира не значи дека Microsoft ќе почне да ги лови корисниците на пиратска верзија од Windows, а посебно не во земјите во развој. Сепак тие се и во ситуација во која што сепак мора да дозволат и вакво користење на нивниот систем, наместо преминување на бесплатните верзии на Linux и слично.
Извор: BGR
